mitos buaya di kalua

Mengapa Kalua Disambat Padang Buaya

Dalam Dunia sekitaran Banua anam dan sekitarnya, orang manyambat Kalua sebagai banuanya Buaya, bukan karena buhayanya di daerah kalua yang ganal-ganal atawa lalakian dikalua banyak yang buaya darat atawa liur baungan, tapi orang manyambat banyak orang kalua nang begaduhan buhaya jadi-jadian atau buhaya mahluk halus. Menurut kepercayaan orang bahari dan sampai wahini pun bahwa di kalua ada kerajaan besar para buhaya mahluk halus yang dipimpin oleh Raja Datu Abi atau Raju Datu Banyu yang ada dialam sana alam sebelah kita,yang kada kawa kita lihat dengan mata telanjang biasa, mungkin hanya orang hawas yang memiliki ilmu gaib haja nang kawa malihat dan mengetahuinya keberadaannya, memang sebagian  orang di kalua datu nini bahari bagaduhan buhaya jadi-jadian, tapi bukan berarti sabarataan orang dikalua nang bagaduhan nya. Menurut dadangaran kisah, apabila sang ampunnya ada acara besar atau hajatan besar seperti kawinan dll, maka buaya tadi harus di barimakani (diberi sesajen) dengan melabuh saurang kasungai, yang penulis tahu salah satu sesajennya hintalo dan lakatan masak, misalnya kada ingat mambarimakani, maka ujar orang gaduhan buaya ngintu tadi bisa mamingit anak cucu yang manggaduhnya.

sedikit kisah penulis ceritakan waktu penulis masih halus dahulu sekitar tahun 1990an. waktu itu ada pengantinan di sebuah kampung kecil yang terletak di kota Kelua. pada waktu malam acara pengantenan nya (malam minggu) ,awalnya acara persiapan pengantenannya berjalan lancar aja. tidak beberapa lama kemudian suasana menjadi ribut, gaduh dan orang banyak bukahan kaluaran rumah dari rumah pangantin bibini nya, penulis pun jadi  panasaran ae kanapa maka orang bukahan kaluar, ngaran kakanakan dahulu, tingkat panasarannya masih tinggi, lalu bawani masuki kadalam rumah pangantin babiniannya, tarnyata pangantin babiniannya kasurupan buhaya, pangantinnya tadi bakakat dilantai nang kaya buhaya tupang lagi dah.

limbah malihat ngintu kadanya takutan malah handak manjanaki pangantinnya kasurupan, jaka kada orang orang tuha disitu manyariki  manyuruh kaluar, kada kaluar tupang balantak disitu malihat. telusur demi telusur ternyata pihak nang kaluarga yang bepangantinan tdi ada bagaduhan buhaya halus ngintu, dan mungkin kada ingat membari makani. kada tahu pasti jua pang kanapa maka kajadian ngintu sampai bisa terjadi.

Manurut kisah apabila sudah begaduhan maka akan diturunkan tarus manarus manggaduhnya ka anak lalakian selanjutnya turun temurun. Jadi ngintu tupang paninggalan orang Kelua bahari, nang sampai wahini masih ada keberadaannya di tengah masyarakat Kelua, dan nang maulah kalua manjadi disambat orang lawan banua buhaya.Keberadaan alam sebelah kada kawa dipungkiri adanya, dan kita wajib mempercayainya, karena itu sudah ditulis dalam Kitab Suci Al-Qur'an bahwa Tuhan menciptakan mahluknya dalam bermacam-macam jenis dan golongan, sekarang tinggal kita haja menyikapinya secara bijak.